膠原蛋白大家就成日聽，咁你哋又知唔知點先可以有效咁增強膠原蛋白呢？
膠原蛋白對於皮膚嚟講就好似支架一樣嘅存在，亦即係保持皮膚彈性嘅蛋白質。每個人踏入25歲後每年都會開始流失最少1%嘅膠原蛋白，另外空氣污染同紫外線等等嘅因素都會令膠原含量消耗… 想維持良好嘅肌膚狀態，真係要預早做好防備！
膠原蛋白產品
市面上有好多唔同補充膠原蛋白嘅產品，例如膠原蛋白啫喱、膠原蛋白粉、膠原蛋白飲料等，但切記不宜服用過量呀！🫶🏻
食用膠原蛋白食物
我哋可以透過日常飲食去增加膠原蛋白，例如骨湯、豬腳、鳳爪及軟骨等🥣 因為骨頭係由骨頭同締結組織製成，所以呢啲食物亦含有豐富嘅鈣、鎂、磷、氨基葡萄糖等。
另外，來自海洋嘅膠原蛋白，例如魚同貝類亦係人體最容易吸收嘅營養之一。
最後，要生膠原蛋白仲可以食多啲雞蛋，因為蛋清裏面含有大量脯氨酸，即係產生膠原蛋白所必須嘅營養之一，所以食雞蛋的確可以令到肌膚帶嚟正面嘅影響㗎！
