好多貪靚嘅女仔為咗防止肌膚老化，都會用盡方法去保養肌膚。但其實最有效嘅護膚逆齡抗衰老方法，一定係由日常生活習慣做起！
1. 做好防曬措施
紫外線可以破壞膠原蛋白，令蛋白質加速分解，由於膠原蛋白數量減少，皺紋和皮膚鬆弛現象就會提早出現，令皮膚望落未老先衰，堪稱導致肌膚急速老化的最大元凶！除咗紫外線，電子產品釋放的藍光也會導致面部色素沉澱，形成色斑，所以有效的防曬對延緩衰老相當重要。愛進行户外活動的女生無可避免受到紫外線侵襲的話，就要更注重防曬。
2. 減少化妝 徹底落妝清潔
化妝品中含有大量引致肌膚過敏的成份，如酒精、香料及防腐劑等，長時間化妝會令肌膚變得更敏感、更乾燥，尤其不少女生每天化妝外出一整天，街上的污垢塵埃混合面部分秘的油脂、汗水，會導致毛孔阻塞，長出粉刺、暗瘡，色素沉澱等問題，因此我們必須徹底落妝做好皮膚清潔！
3. 減少攝取過多糖分
含糖食物除了會令體重增加，還會加速肌膚衰老。糖會破壞膠原蛋白和彈性蛋白，也就是保持皮膚年輕強健的化合物，還會妨礙身體修復它們。糖化反應還會引起身體炎症，導致面部暗瘡和毛孔粗大，所以為了肌膚著想大家一定減少攝取過多糖分呀！
4. 溫柔對待眼部肌膚
眼部嘅皮膚其實真係好脆弱，小小一個拉扯或者搓揉動作都足以夠佢爆條眼紋出嚟… 有眼紋同無眼紋嘅視覺年齡分分鐘相差十年！所以溫柔對待眼部肌膚，盡量避免捽眼、畫眼線、配戴隱形眼鏡等等動作，如果可以每日搽眼霜同埋定期敷眼膜就更好喇。
5. 保持輕鬆愉快心情
城市人生活緊張，工作壓力係東南亞之首，要大家經常處於零壓力環境下生活都知道唔容易。但慢性心理壓力會引起自由基生成，自由基加速破壞細胞壁及肌底骨膠原，導致皮膚出現皺紋、鬆馳、暗啞同衰老！所以就算壓力再大，亦要替自己搵到減壓嘅方法，舒緩繃緊心情，先可以幫肌膚由內至外打好底。
6. 避免捱夜
捱夜不僅會導致黑眼圈、眼袋問題，更會增加皺紋、斑點、紅血絲，加速肌膚衰老。另外因為缺乏睡眠而導致肌膚屏障功能大大降低，同時也會影響肌膚的血液循環，令肌膚難以修復。失眠、睡眠不足或睡眠質素欠佳都有機會令內分泌失調及皮脂腺堵塞，導致暗瘡的形成；同時減弱我們對抗自由基的能力，導致皮膚提早衰老。所以真係要早啲瞓、瞓多啲呀！
7. 選擇合適的護膚品
很多女生都習慣將各大品牌嘅抗衰老護膚品搽上面，以為搽得越多效果就越好，其實因應唔同人嘅肌膚狀況係應該選用唔同性質同功效嘅產品。亂用護膚品可能會令佢哋嘅特性相互抵消，又或者造成營養過盛令肌膚超出負荷（出油、爆瘡、皮膚敏感）。這樣不僅浪費金錢同產品，亦會讓保養事倍功半，得不償失。因此，建議大家要挑選合適自己膚質嘅產品同埋盡量唔好亂溝護膚品嚟用呀。
